Endama Heyeta Meclisa Neteweyî ya Ermenîstanê ya li Meclîsa Parlamenteran a Konseya Ewropayê Sona Xazaryan di rûniştina giştî ya Meclîsa Parlamenteran a Konseya Ewropayê de axivîe.
“Di destpêka sedsala 20’an de tevgera mafê dengdanê ya jinan li cîhanê belav bû û ez bi serbilindî dibêjim ku Ermenîstan jixwe serkeftî bû. 1919 Hilbijartinên yekem ên parlementoyê bi dengdana giştî hatin kirin. Her kesê ku ji 20 salî mezintir be, bêyî ferqê zayend, etnîk û ol, mafê dengdanê hebû.
Em rola rêxistinên civaka medenî yên jinan bilind dinirxînin, em bi awayekî aktîf bi wan re di pirosesa qanûnsaziyê de beşdar in, ku dê bibe sedema beşdarbûna jinan di meclîsê de.
Komara Ermenîstanê jî ji bo cîbicîkirina biryara 1325 a Konseya Ewlekariyê ya Neteweyên Yekbûyî Duyemîn Plana Çalakiyê ya Neteweyî amade kiriye û amadebûna xwe ya ji bo berdewamkirina xebatên xwe yên li ser jin, aştî û ewlehiyê dupat kiriye.
Di bernameyê de pirs û kêşeyên jinên ku di encama şerê dijwar ê Azerbaycanê yê li dijî Artsaxê di payîza 2020’an de ji Qerebaxa Çiya koçber bûne, dike.
Di encama şerê dijwar de zêdetirî 91.000 kes sirgûnî Ermenîstanê hatin kirin û mafê penaberiyê wergirtin, ku ji sedî 88 ji wan jin û zarok bûn. “Di dawiyê de, divê ez rast bibêjim ku ez bi rastî matmayî mam dema dibihîzim ka çawa hevkarên me yên jin di Meclîsa Parlamenteran a Konseya Ewropayê de û rayedarên din ên payebilind ên jin li welatên cîran dikarin ji bo şer û şîdetê biaxivin û hincetan peyda bikin.” Sona Xazaryan got.
