Daxuyaniya sêalî ya di navbera Ermenistan, Rûsya û Azerbeycanê de di Mijdara 2020an de hat îmzekirin, ji bo bidawîkirina tundûtûjiya wê demê ya li Qerebaxê bû. Li gorî nûçeya “Armenpress”ê, Serokwezîrê Ermenistanê Nikol Pashinyan di hevpeyvînekê de ligel kanala televîzyona “Al Jazeera” ya li Qeterê ev tişt gotîe.
“Divê ez bibêjim ku ev daxuyanî pirsgirêka Qerebaxê nagire ber çavan, lê divê pirsgirêka Qerebaxê bê çareserkirin. Serokwezîr Paşînyan got, “Em hêvîdar in ku di demeke nêz de em karibin mijara Qerebaxê jî çareser bikin.”
Wî da zanîn ku Ermenîstanê ji bo danûstandina bi Azerbaycanê re gelek platform hene. “Di van demên dawî de di navbera Ermenistan û Azerbaycanê de me komîsyoneke xêzkirinê ava kir, berdewamkirina wê xebatê pir mimkûn e. Tenê hevdîtinek hebû, lê me beriya niha li hev kiribûn ku civîna duyemîn li paytexta Rûsyayê Moskowê û ya sêyemîn jî li Brûsêlê pêk were. Serokwezîr got: “Em hêvîdar in ku bi piştgirîya hevkarên xwe yên navneteweyî, helbet di encama xebateke rasterast de, em karibin sînorên xwe xêz bikin.”
Derbarê vê pirsê de, eger komîsyon biryarê bide ku tevahiya xaka Qerebaxê bikeve destê Azerbaycanê, dê helwesta aliyê Ermenî çawa be, Paşînyan bersiv da. “Ti peywendiya komîsyona sînordarkirinê bi kêşeya Qerebaxê re nîne, ji ber ku weke min got, bi Azerbaycanê re peywendiyên me yên cuda hene. Yek ji wan xebatên sînorkirinê ye. Mijara ewlekariya sînor pir girîng e, di bin erkê vê komîsyonê de ye, ji ber ku divê em aramî û ewlehiyê li seranserê sînor biparêzin. Mijara duyemîn jî normalkirina têkiliyên Ermenistan û Azerbaycanê ye. Ji bo vekirina peywendiyên herêmî, veguhestin û aborî ve platformek ragihandinê heye. Lê helbet di navbera Ermenistan û Azerbaycanê de û herwiha di warê aştiya herêmê de pirsgirêka herî lezgîn û girîng pirsgirêka Qerebaxê ye.
Paşînyan rola Rûsyayê wek garantorê daxuyaniya sêalî bi kar anî û da zanîn ku Rûsya şirîk û hevalbendê stratejîk ê Ermenîstanê ye, lê di heman demê de gelekî nêzîkî Azerbaycanê ye.
