Serokwezîr Nîkol Paşînyan ji Emanûêl Macron re nameyek pîroz kirîe, Bi helkefta serkeftina di hilbijartinên serokomariya Fransayê de, dê careke din wek serokomarê Fransayê were hilbijartin.
Rayedarekî hikûmeta Ermenistanê ji Armenpressê re ragihand ku di peyamê de wiha tê gotin:
“Birêz serokê hêja Emanûêl
Ji kerema xwe pîrozbahiyên min ên germ ji bo serkeftina we ya di hilbijartinên serokatiya Fransayê de û jinûve hilbijartina we wekî serokê komara Fransa qebûl bikin.
Dengdana pêbaweriya gelê Frans bi serokatiyê, bilindtirîn nirxandina xebata we ya berfereh di salên borî de ye, ku serkeftina riya siyasî ya ku we hilbijartiye dupat dike.
Di pênc salên bê de hêz û sebir ji we re dixwazim ku hûn siyaseta xwe ya biaqilane di pêgeha bilind a komara Fransa de bidomînin û gelê Fransa berbi destkeftên nû ve bibin. Bi min bawer bikin, Ermenistan wê li kêleka hevala we Fransa be ku hemû kêşeyên hevpar derbas bikin.
Ez di wê baweriyê de me ku hilbijartina we di nav pênc salên bê de, wê hêzeke nû bide têkiliyên bi îmtiyaz ên di navbera Ermenistan û Fransayê de, dê derfetê bide ku em bernameyên me yên hevpar ên ku bi hev re li hev kirine, bi serkeftî bidomînin, di nav de hewldanên aktîvkirina têkiliyên aborî yên dualî.
Ermenîstan rola Fransa ya ji bo avakirina aştiyeke mayînde li herêma me wek Hevseroka Rêxistina Ewlekarî û Hevkariyê li Ewropayê bilind dinirxîne û hêvî dike ku di heyama pênc salên duyemîn a serokatiya we de jî ev rol berdewam bike.
Bi hêviya ku di demek nêzîk de li Êrîvanê mazûvaniya we bikim, careke din serkeftina we ya bi ewle pîroz dikim û hêviya serkeftinê ji we re dixwazim. Ji kerema xwe birêz Serok, temînatên min ên herî bilind qebûl bikin.”
