Di 24ê Nîsanê de Serokê Amerîkayê Jo Baydên ji bo 107emîn a salvegera Komkujiya Ermenîyan peyamek pêşkêş kir.
“Di 24’ê Nîsana 1915’an de desthilatdarên Osmanî li Konstantînopolê rewşenbîr û serokên civaka Ermenî girtin. Bi vî awayî Qirkirina Ermeniyan ku yek ji komkujiyên herî xerab ên sedsala 20’an e, dest pê kir. Em îro milyonek û nîv ermeniyên hatin sirgûnkirin û kuştin bi bîr tînin, em şînê dikin ku gelek jiyana xwe ji dest dane.
Dema ku em behsa Qirkirina Ermeniyan dikin, em soza xwe ya hişyarbûna li hember bandorên wêranker ên nefretê dubare dikin.Em mecbûr in ku careke din biaxivin û ji bo rawestandina qetlîamên ku şopên mayînde li cîhanê dihêlin. Di heman demê de, şîna her tiştê ku me di Qirkirina Mezin de winda kir, divê em hewildanên xwe ji bo saxkirin û avakirina cîhanek çêtir, aramtir ku em ji bo zarokên xwe re dixwazin, çêkin. Cîhanek ku rêz ji mafên mirovan re tê girtin, ku fanatîzm û bêtehamulî bi xerabiyên jiyana me ya rojane nayên nîşankirin, ku mirov li her derê azad in ku jiyana xwe bi rûmet û ewledar bijîn.
Ev demek e ku mirov behsa hêz û berxwedana gelê Ermenî bike. Gelê ermenî piştî jenosîdê tehemûl kir, bi biryar bû ku civak û çanda xwe ava bike, gelek caran li mal û welatê xwe yê nû, li Dewletên Yekbûyî yên Amerîkayê jî di nav de.Ermenîyên li Amerîkayê beşek jiyanî ya Amerîkayê ne. Ew welatê me xurtir û dînamîktir dikin, her wiha berdewam dikin ku bîranîna trajîk a tiştên ku bav û kalên wan tê re derbas bûne bi xwe re hilgirin. Em êşa wan nas dikin û rêzê li dîroka wan digirin.
Îro, piştî 107 salan, gelê Dewletên Yekbûyî yên Amerîkayê rêzgirtina ji hemû Ermeniyên ku di dema qirkirinê de mirine, berdewam dike”.
