Di çarçoveya serdana xwe ya fermî ya bo Federasyona Rûsyayê de, li avahiya Novo-Ogoryovo ya li nêzî Moskovayê di navbera Serokwezîrê Ermenîstanê Nîkol Paşînyan û Serokê Federasyona Rûsyayê Vladîmîr Pûtîn de hevdîtinek pêk hatîe.
Weki ku ji “Armenpress”e ji xebatkaren Serokwezire Ermenistane hat zanin, Serokomare Federasyona Rûsîaye bi peşwazikirina Serokwezir Paşînyan ra got. “Delal Nîkolê Vladîmîr, ez bi dîtina te gelek kêfxweş im.
Serdana we ji bo 30 saliya damezrandina têkiliyên dîplomatîk ên di navbera welatên me de ye. Ez dizanim ku we planek pir mezin heye – hevdîtinek bi serokwezîr, serokatiya Meclîsa Federal re, û paşê serdana Nîjnî Novgorodê. Her wiha tê plankirin ku çend belge bên îmzekirin.
Di têkiliyên me yên hiqûqî de danegeheke me ya dewlemend a 200 belgeyên ku di salên berê de hatine îmzekirin hene. Ev yek derfetek baş dide ku di pratîkê de di her warî de bixebitin, yek ji wan pêşanî aborî ye. Li gorî amarên me di sala 2021’an de ji sedî 12,8 û di mehên destpêkê yên îsal de jî ji sedî 50 zêdebûnek me hebû. Ev nîşanek pir baş e, nemaze di cîhana nûjen de.
Helbet em ê li ser mijarên ewlehiyê, yên girêdayî Qerebaxê jî bisekinin. Ez bi we re me, gelek pirsgirêk hene, em berdewam bi we re di têkiliyê de ne, eger ne her hefte, em her 10 rojan carekê bi telefonê diaxivin. Tevî pandemiyê, me civînên birêkûpêk hene. “Ez bi dîtina te kêfxweş im, bi xêr hatî.”
Serokwezîr Nîkol Paşînyan, di serî de diyar kir. “Spas Vladîmîr Vladîmîrov, berî her tiştî ez spasiya we bikim ku we ez vexwendim serdaneke fermî bo Federasyona Rûsyayê.
Weke ku we got, ev serdan ne tenê xwedî girîngiyeke pratîkî ye, belkî girîngiya wê ya sembolîk jî heye, ji ber ku bi boneya 30 saliya damezrandina peywendiyên dîplomatîk di navbera welatên me de ye, ev serdan nîşan dide ku peywendiyên di navbera welatên me de di asteke gelek bilind de ne. Hêvîdar im di encama vê serdanê de ev dînamîk ne tenê berdewam bike, lê bi bandortir jî bibe.
Em bi rastî di pêwendiya berdewam de ne, em pir caran hevdîtn dikin, hertim peywendiyên me yên bi telefonê hene, ji ber ku rojeva têkiliyên me yên dualî pir tije ye, di pratîkê de di hemû waran de, ji aborî dest pê bike, bi çand, perwerde, hevkariya leşkerî-teknîkî bi dawî bibe. Rûsya şirîkê Ermenîstanê yê stratejîk e, em bi bandor di Yekîtiya Aborî ya Avrasyayê, Hevbendiya Dewletên Serbixwe, Rêxistina Peymana Ewlekariya Kolektîf de hevkariyê dikin. Ne veşartî ye ku rola Rûsyayê di dabînkirina ewlehî û aramiyê de li herêma me heye.
Divê ez careke din tekezî li ser rola we ya sereke ya di pêkanîna agirbest û agirbesta li Qerebaxê ya di sala 2020 de bikim. Ji wê demê û vir ve hêzên aştîparêz ên Rûs li Qerebaxê dest bi operasyonê kirine, divê bê zanîn ku bi giştî, helbet çalakiyên hêzên aştîparêz ên Rûs ewlehiyê pêk tînin;
Helbet mijara sereke ya siyasî ya li herêma me, çareserkirina kêşeya Qerebaxê ye, ez hêvîdar im ku em îro jî li ser wê biaxivin. Bi rastî, seredana min rojeveke pir mijûl e, ku pirê wê bi van danûstandinan ve girêdayî ye. Ez di wê baweriyê de me ku em ê karibin danûstandinên bi bandor pêk bînin, spas, ez bi dîtina we gelek kêfxweş im.”
Bi kurtasî, Vladîmîr Pûtîn got. “We behsa hevkariya me ya di warê çandê de kir. Bi boneya 30 saliya serdan û têkiliyên dîplomatîk ên we yên bi me re, Rojên Çanda Ermeniyan, li Ermenîstanê jî Rojên Çanda Rûsyayê tên lidarxistin. Ez wisa difikirim ku di vê hevdîtinê de ev jî dê bala me bikişîne.”
