Du caran şampiyonê cîhanê û şampiyonê Ewropayê Yuri Sakunts, vê carê bi tiliya piçûkva rekorek din tomar kir.
Di 24ê sibatê de, li rawestgeha trenê ya metroya Karen Demrîçyan a Yêrêvanê, Yuri Sakunts vagoneke 10 metreyî (33 ton) bar kir pe tiliya piçûk. Ev rekora Guinnessê ye û dê di demek nêzîk de li ser navê werzişvanê 26 salî were tomarkirin.
“Ev rekora min li Ermenîstanê bû 22mîn, li dinyayê bû ya 6emîn û ger were piştrastkirin rekora min a 4emîn a Guinnessê bû. Em ê vîdeoyan ji Pirtûka Rekoran a Guinnessê, komeleyên curbecur re bişînin û min jî serî li Îmarata Ereban da û li wir jî wek xwedî rekor qeydkirî me. Em ê li benda Pirtûka Rekoran a Guinnessê û sertîfîkaya pejirandî bin. Pêvajo dê nêzî 6 mehan bidome. Rekora min a berê ya Guinnessê ji bo 21-ê Îlona 2020-an hate tomar kirin, gava ku ez li ser destên xwe meşiyam û bi diranên xwe 4 ton erebe gerandin.
Ez qeyda xwe diyarî eskerên me û ermeniyên Ermenîstan, Artsakh û Diasporayê dikim “, – got Yuri Sakunts.
