Bi dehan parlamenterên PE bang li rêberên Lîtvanya kirin ku parastinê bidin ji koçberên êzîdî yên ku li wî welatî mafê penaberiyê dixwazin peyda bikin.
Di nameyê de ku ji aliyê 31 parlementerên PE ve hatiye îmzekirin, wiha tê gotin: “Ji bo êzdiyên ku niha li ser sînorê YE bi Belarusê re an li kampên li Lîtvanyayê asê mane ku vegerin Iraqê, pir xeternak e.”
“Em di wê baweriyê de ne ku divê rewşa dijwar li ber çavan bê girtin, êzîdî neyên dersînorkirin, lê divê ji wan re bibe alîkar ku rêyek ewle û yasayî ji bo wergirtina penaberiyê bibînin û careke din nebin qurbaniyên bazirganên mirovan.”
Di nameyê de, qanûndanerên Ewropî jî piştgirîya xwe ji bo bangewaziya vê dawiyê ya bizavkara mafên mirovan a êzîdî ya iraqî Nadiya Murad ku xelata Nobelê wergirtiye, ji Lîtvanya re ji bo penageheke ewle ji bo Êzdiyan nîşan dane.
