Алон Бен Меир
Плана ә҆мәлайә фәрз
П҆ара 4-а
Лазмайа нав плана ә҆мәлайә h҆әмт҆омәрийә бь сьвьккьрьана т҆әвбуна эздийа бь р҆ьйа щигӧhастьна wанә ль wәт҆әне qәдим h҆әсавдьвә йа чәтьн у пашданәэхьстьне. Wә҆де мә hьндьк hәйә, чьмки әв эла зәдәлек҆әтьне ль qәзийакә т҆әзә дьqәльбә. Дәстгьhиштьна чадьргәhе сәва щигӧhастийе hӧндӧр҆ ль хьзмәтк҆арийа дохтьрийе т҆ьнә у ль т҆еренәкьрьна ду-дәрмана дьqәльбьн. Зәхире сәва әwләкьрьна ч҆арәкьрьна п҆ьсихологийе у h҆әсина, хазма бона щаhьла, т҆ернакьн.
Чьмки qәwате силәh҆буйи хwәха нькарьн Шәнгале у нәh҆ийе Шәнгалейә гӧнд бькьнә бьн qоле хwә, эзди дьтьрсьн пашда вәгәрнә ль мал-h҆але хwә. Пьрсгьрека беqәзиабуне бь h҆әзара ләг҆ме р҆уә҆рде у щәбьрхане нәт҆әqиайә ьса чәтьндьвә, к҆ижан бунә сәвәве ә҆мре бь дәhа мәрьва, е кӧ дьщә҆диньн пашда вәгәр҆ьн.
Чар кәсе ә҆мәлкьрьнейә сәрәкә hәнә, е кӧ дькарьн али эздийа бькьн пашда вәгәр҆нә ль wәт҆ән у дәстбь певажойа авакьрьна ә҆мре хwәйи wеранкьрьне у qәнщкьрьне бькьн.
Нәньhер҆и wе йәке, wәки h҆ӧкӧмәта Ираqе сәва беqәйдәтийе hӧндӧр҆ h҆әйәщанбуийә, әw борщдарә бь фәсалийа мәхсус qәзиайе хwәмькӧр҆ бе, ль к҆ижана эзди hьла hе дьqәльбьн, әw нав дитьна эздийе ьндабуйи у щә҆дандьна пашдавәгәр҆ндьна wанда гәрә бәр тьштәки нәсәкьнә. Бь h҆әсавhьлдана, wәки Шәнгал hәсавдьвә п҆ара Ираqе, h҆ӧкӧмәта Ираqе гәрә т҆әв WАЙ, ЙА у Т҆МЙ бьхәвтә у пьрсгьрека ӧсулкьрьна т҆әмамийа алик҆арийе, wәки дәрва те, hьлдә сәр хwә. Әв гава мәрк҆әзийе гәрә ьж ве нәh҆иеда щиаwркьрьна qәwате беqәзиабуне дәстпевә.
ЙА дькрә алик҆арийа финансийе бьдә, т҆ьвдарәкдитьна п҆ешәк҆арийе р҆абәри эздийакә у, щӧда готи, бь дәhа жьн у мере эзди алик҆арийа дохтьриейә h҆имли hинкә, нав wе hәжмаре алик҆арийа р҆ӧh҆и ль эздийа, wәки нәхwәш к҆әтьнә. Пештьри wе, дәwләте авропи гәрә т҆әв Ираqе у WАЙ нав пеканина qәwате ә҆длайихwәйкьрьне бьк҆әвә нав hәвк҆арийе.
Идеаледа шеwра Т҆МЙ-ә Беqәзиабуне борщдарбу qьраре qәбулкә у qәwате ә҆длайихwәйкьрьнейә п҆ьр҆мьләт Шәнгаледа щиwаркә. Һьлбәт, h҆але эздийава гьредайи- әw h҆имли пьрсгьтрека ираqийә, qәwате WАЙ-ә силәh҆буйи ль Ираqе ьди эп҆҆ещәнә. Т҆МЙ дькарә, qәт на, ажәнсийе мәхсус бьhьнерә, нав wе hәжмаре ажәнсийа Т҆МЙ-ә бь шӧхӧле п҆әнабәра, бәрнә҆ма Т҆МЙ-йә пешдачуйине у фонда Т҆МЙ-йә зар҆а, сәва алик҆арийе бьдьнә эздийа. WАЙ гәрә щавдарийа дьhа мәзьн сәва пашдавәгәр҆андьна эздийе р҆аqәтанди hьлдә сәр хwә, бь дайина алик҆арийа финансийе, алик҆арийа дохтьрийе у хьзмәтк҆арийе т҆әщдидкьрьне. Т҆әв qәwате Ираqейә беqәзиабуне WАЙ борщдарә мьqати ве нәh҆иейвә у техника ә҆скәрийе бьдә, к҆ижан сәва ви мәрәми лазьмә.
