Сурен Папикйане wәзире сәрwерикьрьна т҆опраха у бьнхәләqа т҆әв h҆әмщьвата qӧльхдарийа энергийа атомиейә орт҆әмьләтиейә сәрәкәйә 15-18-е мәhа илоне Виеннаеда дәрбазбуне дьвә. Чаwа ьж wәзарәта ЩӘ-ейә сәрwерикьрьна т ҆опраха у бьнхәләqа ә҆ламдькьн, говәке р҆уньштьна щәмкьрьна т ҆амда wәзир бь к҆елме пешда hатийә у дайә к҆ьвше, wәки бь мәрәме ә҆дьли беqәзиа хәвтандьна энергийа атомийе сәва Әрмәнистане hәбуйә у дьминә сьрепешити: ״Чаwа wәлат, стансийа к҆ижанийә атомиейә ә҆мәлкьрьне hәйә, Әрмәнистане сиасийа беqәзиа у ә҆дьли хәвтандьна энергийа атомиейә шәфив у вәкьри бьжартийә у пашwәхтийе жи т҆әдбире ангор- т҆әрәфе бьльндкьрьн у хwәйкьрьна беqәзиабуна атомийе у тиренщдайинеда wе бьдуминә мәh҆кәмкә у пешдәстикә״. Говәке Qӧльхдарийа энергиа атомиейә орт҆әмьләтийеда ьди wәкә 40 бәрнә҆ме мьләтийе hатнә миасәрбуне, ве гаве 7-е дьне жи миасәрдьвьн.
