Berdevka Wezareta Karên Derva Anî Badalyan di bersiva Wezîrê Karên Derva yê Azerbaycanê Jeyhun Bayramov da, ku di raya giştî da peyva “Korîdora Zengezûrê” bi kar tîne, û da zanîn, ku xala 9’emîn a daxuyaniya sê alî ya 9’ê Çiriya Paşina 2020’an û daxuyaniya paşê ya 11ê Kanuna Paşina 2021an, ti korîdorek wiha peyda nakin, di çarçoweya rakirina binesaziyên veguhestina herêmî de mentiqek korîdorê tune.
“Ermenîstan gelek caran û di her astê de ragihandiye û radigihîne, ku ew ne tenê dilxwaz e, di heman demê de eleqedar e ku girêdanên aborî û veguheztinê yên li herêmê vekin. Ji dema îmzekirina daxuyaniya sê alî ya sala 2020an û vir ve, Ermenîstan li ser nêzîkatiya, ku di wê daxuyaniyê de hatiye destnîşankirin maye, ku ew di bin serwerî û dadweriya welatan de, li ser esasê prensîbên wekhevî û hevdudîtinê were sepandin:” got berdevkê Wezareta Derve ya Ermenîstanê.
