PoliticsTop

Ermenîstan wê mêvandarya rûniştina payîzê ya Meclîsa Parlamenteran a OSCE bike

Rûniştina payîzê ya Meclîsa Parlamenteran a OSCE wê li Êrîvanê pêk were. Ev biryar ji aliyê Komîteya Daîmî ya Meclîsê ve di 30’ê Hezîranê de di rûniştina salane (havînê) ya Meclîsa Parlamenteran a OSCE de li bajarê Vancouver ê Kanadayê hat dayîn.

Serokê heyeta Ermenîstanê ya li Meclîsa Parlamenteran a OSCE Sargîs Xandanyan delegeyên konferansê gazî Ermenîstanê kir u got: “Pirsgirêkên ewlehiyê li herêma OSCE dihejînin û di bin van şert û mercan de hevkarî û diyaloga nav parlamenan girîngtir dibe.

Bi derbaskirina rûniştina payîzê ya Meclîsê li Êrîvanê, endamên Meclîsê wê der barê kêşeyên ewlekariya Başûrê Kafkasya û encamên wan de biaxivin û fikrên xwe biguherin.”

Zêdeyî 320 parlementerên 57 welatên endam di platforma parlementa Rêxistina Ewlekarî û Hevkarîyê li Ewrûpayê de cih digirin. Armanca sereke ya rêxistinê hêsankirina diyaloga navparlemanî ye, pêşvebirina armancên ewlehiyê yên berfireh ên OSCE.

Дьhа зедә бьдьнә к҆ьвше
Back to top button