Rêjeya vegerê di van salên dawî de bi awayekî berçav zêde bûye. Di sala 2022’an de 25 hezar Ermenî ji bo welatîbûna Ermenîstanê serlêdan dane. Serokê beşê pêşvebirina stratejiyê, ya serkomîseriya giştî ya karûbarên dîasporayê Hovhannes Aleksanyan diyar kir, ku ev nîşana herî mezin e ji sala 1991ê ve. Di salên 2018-2021’an de nêzî 40 hezar Ermenî bûne hemwelatiyê Ermenîstanê.
“Bêguman standina welatîbûnê hîn ne vegerandin e, lê pêvajo pê vê
dest pê dike. Ew gava yekem û mezin e. Ezmûn nîşan dide ku piraniya wan vedigerin Ermenîstanê. Ji bo pêşketina dewletê alternatîfa vegerê nîne.”
Piraniya kesên ku ji bo hemwelatîbûna Komara Ermenîstanê
serlêdan kirine ji Rûsya, Sûriye, Lubnanê ne. Li gorî wî, kesên vedigerin çandeke nû bi xwe re tînin: perwerde, kar.
“Em jî dixwazin vê mijarê siyaset nekin. Divê ez bibêjim ku welatên xwedan ezmûna herî baş a vegerê her gav hewl didin, ku rewşên krîzê bikar bînin, ku rê dide wan, ku bi rengekî çalak vegerê pêşve bibin, “got Hovhannes Aleksanyan.
Hovhannes Aleksanyan der barê pirsgirêkên kesên ku vegeriyan welat de jî destnîşan kir, ku çarçoveyek berfireh e: bicihkirina zarokan li dibistan, kreş, xanî, barkirina bagajên kesane . Ofîsa Komîseriya Karûbarên Diyasporayê di van mijaran de bi hemû saziyên hikûmetê re hevkariyê dike.
