Чахе qьрара ахьрсонги һəвə, əме бьдьнə пеһ̕əсандьне. Дəрһəqа ве йəкеда нав qьса т̕əв р̕ожнə̕мəвана Артак Давт̕йане мьдире ШС гот.
“Qьрара ахьрсонги хwəстьна һəр т̕əне мə нинə, һəвр̕хахəвəрдан пешда дьчьн, алийе дьне жи т̕əвдьвə”,- əwи гот- бь сəрдазедəкьрьна, wəки дəрһəqа хут qəдандьна певажойе wе бьдьнə пеһ̕əсандьне.
“Т̕опраха мəда тьштəки мəйи пьрскьрьна ьж Адрбещане т̕ьнə, ле һəвр̕ахəвəрдан т̕əв алийе ур̕ьса пешда дьчьн, чьмки һəнə пьрс, у мəрəме мə бей п̕əвчун дурхьстьна бьнп̕аре адрбещанийə т̕опраха мəда диһарбуйинə”.
Дəрһəqа пьрса һьнə дəстбəрдане иһт̕ималə мəрза Гег̕арк̕уник̕еда Давт̕йан гот, wəки т̕ö дəствабəрданəк wе т̕ьнəвə, у пьрса дəрхьстьна qəwате адрбещанийə сильһ̕буйи, һ̕əркəр̕ахəвəрдана сəрр̕астнəвə, демəк бь ə̕мəле ангор wе сəрр̕аствə.
Мьдире ШС да к̕ьвше, wəки һəжмара wəк̕иле бьнп̕аре адрбещани т̕опраха ЩƏ-еда нəһатийə гöһастьне, ве гаве дəлив т̕ьнəнə.
