Пәй эришкьрьна ДИ-ейә сәр Шәнгалер҆а әндаме wе бь h҆әзара qизе эздийа р҆әвандьн у фьротнә hесиртийа сек҆хсуалийе, ле паше h҆әвсе ираqе у суриаеда т҆әсмили щор у щәфе гьран кьрьн. Пәй ә҆мле бь азакьрьна шәhәре Ираqейә ьж дәwләта тьрск҆арийе у ьж wан азакьрьна гәлә жьне эздийа, зар҆ у мер, hьнә жьн минани бәре чадьрада дьжин у мәщбурьн т҆әрка мала хwә бьдьн. Ве бьнхәтеда Хала Сәфила эздийа зендимайи нав пьрсqьса хwәйә сәва ״Езиди 24״ гот: ״Һ҆әтани иро йазийа 2000 жьн у зар҆е эздийа зедәтьр нәә҆йанә, у әw hьндава тьрск҆аре ДИ-еда ль Ираqе у Суриайе hатнә р҆әвандьне. 80%-е бьнәлийе мә зедәтьр минани бәре hәрр҆о дәст дәрде щигӧhастьне дьзерьн, нәh҆ийе мәйә wеранкьри нә беqәзианә, бона ә҆мьр бекьрьн у бона конфликте сиасийе у ә҆скәриейә башqә-башqә бунә мәйдан, у ьж дәма азакьрьна Шәнгале ьж бьн qоле ДИ кем тьшт hатийә гӧhастьне״. Халайе ьса жи ани бир пәй зерандьна у трагедийа нав гәлә сала бьн зерандьне бәрк҆да, у әw, wәки әм ьж бәрбьр҆ибуна әндаме ДИ-ейә зальм зерйанә, у чь анинә сәре мә, у әм фьротьнә, бь дәhа щара h҆әвсе нәh҆ийе Ираqе у Суриаейә башqә-башqәда. Мьн дә҆w ьж h҆ӧкӧмәте, Т҆МЙ у т҆әшкиләте мәрьвдостийе кьр комитеа бь сахтикьрьна эздийа т҆әшкилкьн, е кӧ чадьргәhе Суриаейә зерандьнеда дьжин (мәсәлә, чадьргәhе Һолледа), п҆ьр҆анийа к҆ижана зар҆ьн, ль к҆ӧ ДИ мәжуйе wан шушйтийә, әw авитнә т҆ор҆а хwә у фькьре эк҆стремизме беh҆әмди wан кьрьнә мәжуйе wан, у йазийа wан h҆әтани ньhа дәст hечхәмийа h҆ӧкӧмәте у Т҆МЙ нәә҆йанә. ״Езиди24.сом״ ә҆ламдькә.
