Р҆ожа сиасинасе ур҆ьсә п҆ешәк҆арийева гьредайи хәватчийе сьфарәта Т҆У-ейә Әрмәнистанеда бь сәрк҆арийа Сергей Копиркин 10-е мәhа сьвате кӧлилк бәр hәйкәле Алек҆сандр Грибойедове херхwәзе щьмә҆та әрмәниайи мәзьн, шайир у сиасинасе ур҆ьси нав-нишан мелкьрьнә. Чаwа ״Арменпрес״ сальхдькә, бь хәвәрдана дәрhәqа h҆але әләqәте әрмәни-ур҆ьсайи ве гаведа, нав qьса т҆әв р҆ожнә҆мәвана Сергей Копиркин бьнхәткьр, wәки әләqәте әрмәни-ур҆ьса сәр дәрәща бьльндьн. ״Әw р҆әwш эп҆ещәйи ә҆йанә- әм т҆ьфаqдарьн, hәвалк҆аре дә҆wмәшандьненә, ле щьмә҆те әрмәни у ур҆ьс- бьранә. Әw т҆әмам ьса жи әләqәте мәйә сиасинасиеда ә҆к҆сдьвә, хәйсәте к҆ижана е интенсивә. Р҆асти жи, әләqәте хьзмәтк҆арийе мәйә сиасинасийе е незик у к҆әсәнә״,- Копиркин гот. Хәватчийе сьфарәте у сәфирә ьса жи ль мәхбәре п҆айт҆әхти мәрк҆әзийе qәсьдинә у кӧлилк сәр т҆ьрбе диwаннасе әрмәнийә навдар мелкьрьнә, говәка диwаннасиеда әмәке кижанайи мәзьн hәбуйә. ״Бь т҆арих у ә҆дәте wайә дәwләмәнд, әз дьфькьрьм, бь фькьра баш әм борщдаре hәвк҆арийа мәh҆кәмьн, хазма, wәки бал мә пьрсгьрек у к҆ара т҆омжри гәләкьн. Ве дьнийа чәтьнда диwаннасе әрмәни у ур҆ьс пьрсе фәрзда ә҆йни хәта пешьнда сәкьнинә. Әw зә҆ф фәрзә, у Ур҆ьсет wе йәке qимәтдькә״,- Копиркин хьтьмкьр.
