Прокуратура-дадпьрсийа ЩӘ-ейә сәрәкә әнщаманина гӧнәк҆аркьрьнейә бь шӧхӧле Серж Саргсйане сәдре ЩӘ әрекьрийә у шӧхӧл шандийә ль мәh҆кәме. Дәрhәqа wе йәәкеда чаwа щава пьрса ״П҆астинфо״-е- Аревик Хачатрйана мьдира п҆ара прокуратура ЩӘ-ейә сәрәкәйә п҆әвгьредане т҆әв щьваке готийә. Сьльстикьрьн бь шӧхӧле сәдре сьсйа сәре сале хьлазбьбу. Избатийе бь шӧхӧл п҆әйдакьри хьзмәтк҆арийа сьльстикьрьнейә мәхсус сәва т҆әшкилкьрьна әнщаманина гӧнәк҆аркьрьне у шандьна шӧхӧл ль мәh҆кәме е т҆ерекьрьне h҆әсавкьрьнә. Бона т҆әшкилкьрьна пәкандьна wәкә нив милиард драма (wәкә милинәк долар) щәм сәдре qӧльхедәрк҆әти Хьзмәтк҆арийа сьльстикьрьнейә мәхсус 4-е мәhа сала 2019-айә к҆ануна пешьн гӧнәк҆аркьрьн пешда к҆ьшандьбу. Ньсбәти wи qоле дәрhәqа дурнәк҆әтьнеда мәщала шәрпәзәкьрьне hатийә бьжартьне. Серж Саргсйан гӧнәк҆аркьрьне qәбулнакә.
