Чапа бәрф у баране Әрмәнистанеда бь 10%-а кембуйә, р҆ожа пешәме шеwьрханеда Ирина Г҆апланйана дәwсгьртийа wәзире дор-бәра гот. Әwе да к҆ьвше, wәки Әрмәнистан нав wәлата щийе чара дьгрә, ль к҆ижане гәрмбуна глобал у пәйhатьна wе бь qәзиайә. Һ҆әрсе щийе пешьн wәлате Асиа Мәрк҆әзийе дьгрьн. ״Мә ьди эп҆ещә бьльндбуна гәрмайе теньвисийә. Ль т҆опраха Әрмәнистане әw бь 1-3 дәрәща бьлдьндбуйә. Шьли бь 10%-а кембйә. Ве говәкеда Әрмәнистан р҆асти жи йа зәдәлек҆әтьнейә. Ьса жи лазьмә т҆әхминкьн, wәки wәлет конвенсийа П҆аризе qолкьрийә у әрекьрийә у зә҆ф чапьк нав хәвата бь пеканина р҆ожәве бь глобал hатьна hәwейә гӧhастьне мьжулдьвә״,- Г҆ап҆ланйане бьнхәткьрийә. Дәwсгьртийа wәзир ьса жи дайә к҆ьвше, wәки wәлетр҆а мәщале финансиейә щьди лазьмьн сәва мьqабьлдәрк҆әтьна глобал hәwагӧhастьне. ״Ьди саләкә әм әндаме фонда ״Һәwа к҆әскьн״, р҆ожәва мәйә мәзьн hәйә, әм чапьк дьхәвтьн״,- Г҆апланйане гот. Бь гьлийе wе, шәртнә҆ма П҆аризеда hатийә к҆ьвшкьрьне, wәки wәлате пешдачуйи, к҆ижан сәва дәравитьна газе гәрмаейә ль hәwе щавдарьн, борщдарийе hьлдьдьн сәр хwә алик҆арийа финансийе, техникийе у п҆ешәзанийе бьдьнә wәлате пешдачуйине.
