Әрмәнистан Испаниаеда п҆ешанга салейә сәйрәмишбунейә орт҆әмьләтиейә пешьнда т҆әмсилбуийә

Бь алик҆арийа ״Туризм Арменима״-е бь h҆ӧщра мәзьн у йәкбуйи Әрмәнистан пешанга салейә ә҆wьл- ״Фитур-2020״-ә орт҆әмьләтиейә сәйрәмишбунеда т҆әмсилбуийә, к҆ижан Мадрида п҆айтәхте Испаниеад дьqәwьмә. Бь т҆әhwилкьрьна ״Арменпрес״-е- 9 hәвалти, щер҆ьбандьна к҆ижанайә wаре туризма hӧндӧрда hәйә, хwәштийе wәлате мәйә сәйрәмишбуне т҆әмсилдькьн. Дьк҆әкә ״Фитур-2020״-ида 10 h҆әзар туроператора зедәтьр- ьж 160 wәлата, бәрәвбунә. Ч҆ә҆вньhер҆инә, wәки р҆әqәма професионале wар у мьштәрийе п҆ешанге 250.000-и wе дәрбазтьрвә. Туроператоре Әрмәнистанейә hӧнлдӧр҆ wәхта т҆әмсилкьрьна wәлате мә ль hәвалк҆аре сука испани у авропи хазма мәщале мәдәнйәти у гастротуризме данә к҆ьвше. ״Исал Әрмәнистан нә кӧ бь чәнд стенде ч҆ук т҆әмсилдьвә, ле бь h҆ӧщра мәзьн, т҆әмсилбуне, йәкбуйи. Сахи, бьн ״сибәра״ әрмәнийә йәкбуйи hәвалтийе нә кӧ т҆әне әндаме асосиасиайе, ле ьса жи е хwәйе щер҆ьбандьна салайә сәйрәмишьуне бәрәвбунә. Әва зә҆ф фәрзә әм wәлате хwә т҆әмсили hәвалк҆аре орт҆әмьләтийекьн у ьж гоше щьвандьна индустриа сәйрәмишбуне, йәктийе, пешдабьрьна wар״,- Сйузанна Азойана сәдра асосиасийа ״Туризм Армениа״-е дайә к҆ьвше. Һәвалтийе әндаме асосиасийа ״Туризм Армениае״, нәh҆ийе дьниаейә башqә-башq҆әда, ьж сала 1995-ада дәстпекьри, wәлате мә т҆әмсили hәвалк҆аре орт҆әмьләтийе кьрьнә- Әрмәнистанеда бь данина h҆име сәйрәмишбуна т҆әшкилбуйи. Wәзарәта ЩӘ-ейә К҆Д, сьфарәта wәлате мәйә Испаниаеда у эла әрмәнийа к҆омәк данә хәвата бь щур҆е hәрибаш т҆әмслилкьрьна Әрмәнистане т҆әмашәгәhа ״Фитур-2020״-ә орт҆әмьләтийеда. ״Фитур-2020״ 22-е мәhа к҆ануна пашьн дәстпебуйә, 5 р҆ожа wе бьк҆шинә.