PoliticsTop

Шӧхӧле ״27-е мәhа чьриа пешьн״-и сущк҆арийце диса wе бе инт҆амкьрьне

Арт҆ур Давт҆йане прокуроре ЩӘ-и сәрәкә шькйате п҆арезәре Анаhит Бахшйанейә мьqабьли qьрара дәрhәqа кӧрткьрьна шӧхоле ״27-е мәhа чьриа пешьн״-и сущк҆арийе р҆азикьрийә. Дәрhәqа ве йәкеда бәлге хwәйи фейсбук҆иеда Анаhит Бахшйана депутата Щьвата Мьләтиейә бәре ньвисар кьрийә. ״Әз сальх дьдьм, wәки иро мьн 18-е мәhа сала 2019-айә к҆ануна пешьн щава шькйате хwәйи мьqабли qьрара дәрhәqа  кӧрткьрьна шӧхӧле 27-е мәhа чьриа пешьни сущк҆ариейә прокуроре ЩӘ-ейи сәрәкәва hьнарти стәндийә. Әw сәр h҆име шькйате Заруhи Межлумйана мьhамийа мьнә хwәнди, h҆имкьрийә 37 бәлге hатийә р҆азикьрьне. Әва h҆әсавдьвә, wәки шӧхӧле 27-е мәhа чьрийа пешьни бь п҆ара т҆әшкилдар, хәмхӧре тьрск҆ариейи мьqабьли дәwләта ЩӘ кьри кӧртбуйи диса wе hәр҆ә инт҆амкьрьне. Йани, әва h҆әсавдьвә, wәки ЩӘ пешда те чаwа алийа wе тьрск҆арийа диwанийә зьйанек҆әти у h҆әму тьшти wе бькә- дьжмьне  дәwләта мә ә҆йанкьн, әw ьж дәр йан hӧндӧр҆вә. Әме гӧhдар дина хwә бьдьнә певажойе. Әм биннә бир, wәки 27-е мәhа сала 1999-айә чьриа пешьн эриш hатбу бьрьне сәр Щьвата ЩӘ-ейә Мьләтийе, к҆ижан wәхта пьрс у щава h҆ӧкӧмәтейә сесиа бь сьре qәwьмибу- бь hазьрийа әндаме h҆ӧкӧмәте. Дәст ә҆мәле к҆ома тьрск҆арийе Карен Демирч҆йане сәдре Щьвата ЩӘ Мьләтийе, Вазген Саргсйане сәрәкwәзир, Йури Бахшйан у 5 шӧхӧлване диwанийә дьн у депутате Щьвата Мьләтийе, hатнә кӧштьне, 8 мәрьв бьриндарбунә, ле 91 hатнә гьртьне.

Дьhа зедә бьдьнә к҆ьвше
Back to top button