Сала 2020-и се бәрнә҆ме wәзарәта Хәвате у пьрсе сосиалиейә hипот҆екиейә р҆ек-пеккьри wе дәстпевьн, wәхта р҆екпеккьрьна к҆ижана wәзарәте щер҆ьбандьна орт҆әмьләтийе лек҆олинкьрийә у hатийә сәр wе фәкре, wәки т҆әсира пьрсгьрека әwләкьрьна бь мәзилейә щәhwри сәр р҆әwша дахӧльqандьне hәйә. Дәрhәqа ве йәкеда Смбат Саийане дәwсгьртийе wәзире хәвате у пьрсе сосиалийе нав qьса т҆әв ״Спутник Арменийае״ готийә. Ьж бәрнә҆ма йа ә҆wьл- алик҆арийа п҆әрәтийә йәкщарә, wәки wаре олк҆айә жийинеда сәва дәстанина hеwьргәhе дьдьн: дәwләте бь 5%-е баhе мәзиле али wан малайә хwәй 2 у зедә зар҆а бькә. Бәрнә҆ма дӧда дәрhәqа әwләньвисара әдакьрьне мәзиле мале щаhьл у хwәйзар҆дайә. Бәрнә҆ма сьсйа дәрhәqа wан маладайә, qәрзе к҆ижанайи hип҆от҆ек҆ийе ьди hәйә: пәй буйина зар҆ер҆а дәwләте щәма йәкпәлә бәрч҆ә҆в әдайи wан малакә (wе йәкева гьредайи, к҆а к҆ижан зар҆ дьйа хwә дьвә). Бәрнә҆мәйе Әрмәнистанеда сала 2020-ида бьк҆әвә нав qәwате.
