Никол П҆ашинйане сәрәкwәзире ЩӘ Бишк҆екеда т҆әв р҆уньштьна шеwьра Т҆әшкиләта шәртнә҆ма беqәзиабуна т҆омәри буйә, т҆әв к҆ижане бунә ьса жи сәрк҆аре әндам wәлате т҆әшкиләте- Белар҆усе, Qазахьстане, Qьрqьзьстане, Ур҆ьсете у Тащикстане. Ә҆wьл р҆уньштьна р҆ебәрайә бь т҆әшкила кембәр, паше бәрфьрәбуйи qәwьмийә. Дәрhхәqа ве йәкеда ьж идара сәрәкwәзире ЩӘ ә҆ламкьрьн. Әндаме шеwра Беqәзиабуна т҆омәри пьрс ә҆нә҆нәкьрьнә, к҆ижан беqәзиабуна орт҆әмьләтийе у нәh҆ийа, hәвк҆҆арийа говәка т҆әшкиләта навбәра әндам wәлате Т҆әшкиләта шәртнә҆ма беqәзиабуна т҆омәри у говәка орт҆әмьләтийева гьредайиенә. Гьлийе хwәда сәрәкwәзир дайә к҆ьвше, wәки тәме Әрмәнистане hәйә вьрhада жи әмәке хwә нав шӧхӧле пашwәхтийе бьльндкьрьна к҆ардарийа Т҆әшкиләта шәртнә҆ма беqәзиабуна т҆омәри у мәh҆кәмкьрьна р҆умәта орт҆әмьләтийеда бьр҆ежә. Никол П҆ашинйан бьнхәткьрийә сәва пешдабьрьна hәвк҆арийа навбәра әндам wәлатада qәwата т҆әхминкьрьне дьвинә у фькьр ә҆хламкьрийә, wәки т҆әрәфәки h҆әмзәмани wаре технологиайе бьльндда пешдабьрьна hqәвк҆ариейә, дәрhәqа чьда wәхта р҆уньштьна әнщомана навбәра дәwләтадайә 17-айә бь пьрсе hәвк҆арийа ә҆скәрийемалhәбуниейә мәhа илоне Әрмәнистанеда qәwьми hатийә к҆ьвшкьрьне. Паше сәрәкwәзир пашда вәгәр҆йайә сәр р҆әwша беqәзиабуна wәлате мә у т҆әмамийа нәh҆ийева гьредайи, дәрhәqа певажойа сәрр҆асткьрьна мьqабьлиhәвбуна QЧ҆-да хәвәрдайә. Бь әнщаме сәрәщьтвате щергә т҆әмәсук hатнә qәбулкьрьне.
