Бь сәрдана р҆әсмийә дӧр҆оже шанда Италиаейә мәh҆кәмайә hәрәбьльндә ль Әрмәнистане qәсьди иро- 25-е мәhа чьриа пашьн, шеwра ЩӘ-ейә мәh҆кәмайә hәрәбьльндда hатийә qәбулкьрьне. Чаwа ьж фәрмандарийа шеwра ЩӘ-ейә мәh҆кәмайә hәрәбьлньд ә҆ламдькьн- wәхта р҆астhатьна т҆әв шанда бь сәрк҆арийа Деви Эрминийе дәwсгьртийе сәдре шеwра Италиаейә мәh҆кәмайә hәрәбьльнд Р҆убен Вардазарйане сәдре шеwра ЩӘ-ейә мәh҆кәмайә Һәрәбьльнд hәвк҆арийа мәh҆кәмә навбәра дәргә-диwане hәрдӧ wәлатайә мәh҆кәмада фәрзкьрийә. Әwи т҆әхминкьрийә, wәки р҆астә т҆ариха Әрмәнистанейә дәwьр у зәмана hәйә, лебәле, шеwра мәh҆кәмайә Һәрәбьльнд эп҆ещә щаhьлә, у щер҆ьбандьна hәвалк҆аре итали сәва пешдачуйина дәргә-диwане мәh҆кәма Әрмәнистанеда дькарә к҆ардарвә. Wәхта растhатьне әндаме шеwре бь пьрсе п҆әрәкьрьна ӧсула мәh҆кәме италийә т҆омәри, т҆әшкилкьрьна ә҆рзе бйущетийе, бь мәше сәрwерикьрьна р҆әwане финансийе, ле ьса жи механизме h҆акьма т҆әсмили щавдарийа т҆әртифәтекьн, сәрр҆асткьрьне qанундарийе, к҆әфиле h҆акьмә сосиалиева тенә гьредане пәй ә҆нә҆нак҆әтьнә.
