Теренәкьрьна мәкт҆әвайә щьди, е сәва мала дәстгьhиштьне, е кӧ ль чадьргәhа дьминьн е сәва кәсе щигӧhастийә ль ч҆иайе Шәнгале, п҆ехәме стәндьна бь сәда зар҆е эздиа дьхә у дьгьинә hәжмара дәрсамайине т҆әзәйә hәжмармәзьн. К҆әсивти ьса жи h҆әсавдьвә фактрора фәрз, чьмки гәлә мал, wәки ьж кемжьмара эздиайә айина диньн, п҆әре wанә транспорте т҆ьнәнә, к҆ижане wе бькарбуйа зар҆е wан бьгиhандана мәкт҆әве, к҆ижан щийе дьньн.
Сәлам Һ҆әсән, бьнәлийе чадьргәhа Сәрдәштейи 16-сали, готә ״К҆ирк҆ук ноw״-а qӧльхдарийа сальхдайинейә щи, wәки әwи паро т҆әрка мәк҆т҆әве дайә. ״Әз зә҆ф дьхwәзьм вәгәр҆мә ль хwәндьне, ле әз нькарьм п҆әре зедә бьдьм״,- Һ҆әсән гот. ״Әз нькарьм 15 километра hәр҆ьм, wәки бьгьhижмә мәк҆т҆әва орт҆ә, у нькарьм 35 h҆әзар динаре Ираqе (29 долар) бона транспорте бьдьм.
״П҆ьр҆анийа чадьргәhада мәк҆т҆әв hәр т҆әне сәр дәрәща ә҆wьл hәнә. ״Һ҆әркә хwәндәване чадьргәhа Сәрдәште, мәсәлә, дьхwәзьн, хwәндьна пәй к҆ома шәшар҆а бьдуминьн, әw гәрә щур҆әки ль нәh҆ийа Сьнуне бьк҆әвнә мәк҆т҆әве. Эздийе Ираqе ьж дәсте ДИ пәй сала 2014-а диhарбуна Ираqеда зә҆ф зьйане к҆әтьн. Зәвткьрьна шәhәре Шәнгале, ль к҆ӧ п҆ьр҆анийа эздийа дьма, гиhандә щир҆аqәтандьна бь сәда h҆әзара эздийе эла wан, к҆ижан кома тьрск҆арийе h҆әсавдькьрьн бехwәде. Шәр҆ване ДИ жьн у qиз т҆әсмили hесиртийа сек҆суалийе кьрьн, зар҆ дьзин, мәщбуркьрьн дине хwә бьгӧhер҆ьн, бь дәhа мер идамкьрьн у т҆әсмили зордәстиийе кьрьн, жьн wан нәh҆ийада фьротьн, к҆ижан wана Ираqе у Суриаеда кьрьбунә бьн qоле хwә. Мурад Алйас, сәрwере мәк҆т҆әва ль чадьргәhа Сәрдәште, гот, wәки ль мәкт҆әвәкә ә҆wьлә чадьргәhеда, к҆ижан хьзмәте бәр 400 шагьрта дькә, hәр т҆әне чар дәрсдар hәнә, е кӧ р҆әзәдьлваньн״. ״Ьж дәстпебуна сала хwәндьнейә т҆әзә 50 шагьрт ьди найен״. Менещере чадьргәhе Ә҆ли Шабо гот- ״хwәндьн hәрдӧ чадьргәhе ч҆иайе Шәнгаледа бьн qәзиаедайә״, бь сәрдазедәкьрьнеа, wәки 300 шагьрте ьж 7 h҆әтани 16 сали ьж hәрдӧ чадьргәhа ьди т҆әрка мәк҆т҆әве данә. П҆ьр҆анийа wан, бь готна wи, ьж мале лапә дәсттәнгбун. Мәhа чьриа пашьн qӧльхчийе qәза Ниневиайе, wәки Шәнгал wьрә, ә҆ламкьрьн, wәки тәме wани авакьрьна 37 мәк҆т҆әве т҆әзә hәйә, wәки кавьлкьрьне ьж сала 2014-ада бәдәлкьн. Шәнгал нәhатийә дәстнишанкьрьне бь wәсьфа щики, ль к҆ӧ мәк҆т҆әв гәрә бьhатана чекьрьне.
