П҆ашинйан т҆әв Лавров щергә пьрсе р҆ожәва әләqәте әрмәни-ур҆ьса ә҆нә҆нәкьрьнә

Никол П҆ашинйане сәрәкwәзире ЩӘ Сергей Лаврове wәзире Т҆У-ейи К҆Д qәбулкьрийә, е кӧ бь сәрдана р҆әсми Әрмәнистанедайә. Чаwа ьж фәрмандарийа сәрәкwәзире ЩӘ ә҆ламдькьн- П҆ашинйан дайә к҆ьвше: ״Щара хьлазийе тӧ бь сәрдана р҆әсми дӧ сала пешда Әрмәнистанебда буйи, нав ви wә҆дәйи Әрмәнистанеда wәргӧhастьне мәзьн бунә. Әз дьхwәзьм бьдьмә к҆ьвше, wәки ахьрийа wан wәргӧhастьнада әләqәте навбәра wәлате мәда динамика т҆әзә стәндьнәә. Сергей Лавров сьлаве Владимир Путине сәдре Т҆У у Дмитри Медведеве сәрк҆аре h҆ӧкӧмәтейә дьлован т҆әhwили сәрәкwәзир кьрийә у дәлила hәвсубуне мәh҆кәмә навбәра Әрмәнистане у Ур҆ьсетедайә бь хәта сәрwертийе башqә-башqә бьнхәткьрийә. Wәзире Т҆У-ейи К҆Д форума әрмәни-ур҆ьсайә навбәра нәh҆иадайә зутьрәке буйине фәрзкьрийә, дайә к҆ьвше, wәки к҆аре р҆уньштьна

әнщомана дӧалийә навбәра h҆ӧкӧмәтада те кьрьне. ״Әм дьлшанә, wәки ьса жи т҆ӧщарифьтьлдайина дӧали пешда дьчә, әw дайим пешда дьчә. Ур҆ьсет hәвалк҆ара Әрмәнистанейә малhәбуниейә пешдабьрә, нав малhәбуна Әрмәнистане рьк҆ьнвана пешьн. Һәвк҆арийа мә ЙААМ, Т҆ШБТ҆, Т҆ДС-да мәрк҆әза гӧhадрийа мәдайә у әм Әрмәнистане- сәдьртийа зә҆ф к҆ардарйә ЙААМ-ева гьредайи бьмбарәк-пироздькьн״,- Сергей Лавров готийә. Сәрәкwәзире Әрмәнистане у wәзире Т҆У-и К҆Д щергә пьрсе р҆ожәва ә҆ләqәте әрмәни-ур҆ьса ә҆нә҆нәкьрьнә, к҆ижан дәрhәqа hәвк҆арийа сиасийе у малhәбуниеданьн. Qьсәчийа ьса жи фькьр дора пьрсе бь мә҆на нәh҆ийе п҆әвгӧhастьнә, пашда вәгәр҆йанә сәр певажойа сәрр҆асткьрьна мьqабьлиhәвбуна QЧ҆. П҆ашинйане сәрәкwәзир дьлqqәдандьна Ур҆ьсетейә фәрзә нав шӧхӧле нәh҆ийеда беhqәзиабуне, мәh҆кәмийе у хwәйкьрьна ә҆длайе бьнхәткьрийә. Никол П҆ашинйан у Сергей Лавров фәрзтийа ә҆дьли сәрр҆асткьрьна пьрсгьрека QЧ҆ говәка к҆ома Т҆БҺА-йә Минскеда у лазмайа миасәркьрьна бәрнә҆ме hуманитар- бь h҆әсаве пеканина h҆але ит҆бара дӧалийә навбәра алийе мьqабьлиhәвьбунеда данә к҆ьвше.