Йунанстане дьhа гәләки бой дьhа мәh҆кәмкьрьна п҆әвгьредане Йәктийа Авропа-Әрмәнистан ә҆мәлбькә: Павлопулосе сәдьр

Прокопиос Павлопулосе сәдре Щьмhӧрйәта Йунанстане бәри бь сәрдана р҆әсми qәста Әрмәнистане бькә ә҆ламәтийа дәгмә дайә ״Арменпрес״-е. Әләqәте йунани-әрмәни, к҆ижан гьhиштьнә дәрәща дәгмә, бь р҆әh҆е хwә дьчнә бәрва wә҆де дәрбазбуийи дур у хwә сьпартьнә херхwәзийа мәh҆кәм, hәвдӧсәрwәхтбуне, ле ьса жи- hәвк҆арийа ә҆франдар у к҆ардар.

Әләqәте мә р҆асти жи гьhиштнә аhәнгийа wе дәрәще, wәки  әw ьж әләqәте дӧали дәрбазтьрдьвьн- бәрва дәшта hәвк҆арийа орт҆әмьләтиейә дьhа бәрфьбрә, чьмки дәрhәqа щергә пьрсе орт҆әмьләтийеда нәзәре мәйә ангор дьк҆әвнә hәвдӧ, хазма wан пьрсада, к҆ижан Ә҆длайе, hәqе Мерьвә h҆имли у хwәйкьрьн у мәh҆кәмкьрьна hәqийа сосиалиева тенә гьредане. Ви т҆әрәфида h҆име  щәфе мәйи сиасие у институсионали h҆имли h҆әмт҆омәри хәвтандьна hәqе орт҆әмьләтиейә. Һәвк҆арнийа навбәра Йунанстане, Qьбрьсе у Әрмәнистанедайә сеали параметре хәвата мәйә т҆әвайийә жорготи мәh҆кәмдькә. Р҆астә, әм т҆ӧ h҆әсинәкә hәйфhьлдане бәрва сущк҆ара qьнйатнакьн, лебәле, әм нькарьн изне бьдьнә хwә дәмәке wе йәке биркьн, чь qәwьмийә.  Биранин у  бирнәкьрьна wе щер҆бандьненә, wәки мә мәщбурдькьн әм ә҆сасе ״ьди т҆ӧ wәхта״ пешда бьдьн. Әв дӧрьстийа шәh҆идбуне нав хуна щангорийе дӧ т҆әвкӧжийе бәйанидайә, аликива- к҆омкӧжийа әрмәнийа, ле алийе дьнва- к҆омкӧжийа йунанийе Понтосе.

Гьштава ә҆йанә, wәки ве пьрседа Йунанстане сәрк҆ари р҆е кьр- сала 1996-а бь наскьрьна к҆омкӧжийа әрмәнийа у сала 2014-а бь сущк҆арикьрьна wе инк҆аркьрьне. Әм- йунани, бь шабун бәрфьрәбуна наскьрьна к҆омкӧжийа әрмәнийа сьлавдькьн, ьж мәсәле к҆ижанейәhәрәк҆ьвш qьрара Конгреса Wилайәт҆е Йәкбуийә ван хьлазийабу.

Бь сәрwерибуна бь ве сиасийе- Әрмәнистан, бәре ә҆wьл, лазмайа ә҆дьли сәрр҆асткьрьна пьрсгьрека Qәрбаг҆а Ч҆ийа насдькә у али сафикьрьна wе дькә- hәр т҆әне сәр h҆име hәqе орт҆әмьләтийе. Демәк, пьрса дитьна  сәрр҆асткьрьна ә҆дьлида әw к҆омәке дьдә щәфе к҆ома Т҆әшкиләта беqәзиабун у hәвк҆арийа Авропаейә Минске. У йа дӧда, Йунанстан бәрк҆ пешда те бой дьhа незикбуна Йәктийа Авропайе у Әрмәнистане. Әw сьрепешитийа дәгмә, wәки мә дайә пешдәстикьрьна п҆әргале сәва әрекьрьна hәвр҆аqайилнә҆ма hәвалк҆арийа Йәктийа Авропа-Әрмәнистанә Һ҆әмт҆омәри у бәрфьрәбуийә лазьм, wе фәрзтийе әредькә, wәки әм дьдьнә әләqәте йунани-әрмәни״,- Павлопулосе сәдьр ә҆ламәтийеда дьдә к҆ьвше.