Дәлива эрише бьвнә сәр ЩӘ механизма Т҆ШБТ҆ wе бе ә҆мәлкьрьне. Бь т҆әhwилкьрьна ״Арменпресе״- дәрhәqа ве йәкеда Константин Затулине депутате дума Т҆У-йә Диwани, дәwсгьртийе сәдре әнщомана пьрсе Т҆ДС, интеграсиабуна Авроасиайе у п҆әвгьредане т҆әв wәт҆әнwарайи пешьн 5-е мәhа чьриа пешьн wәхта р҆уньштьна шеwра Т҆ШБТ҆-йә Р҆әwанеда мәшеда гот, бь дайинаи щава пьрса дәрhәqа агьркьрьне hьндава qәwаьта Адрбещанейә сильh҆буйида т҆әрәфе wаре Әрмәнистанейә р҆әхсинорә жийинеда. ״Һ҆әркә Әрмәнистана әндама Т҆ШБТ҆ лазмайе бьвинә wе пьрсе дайнә бәр әндаме Т҆ШБТ҆ дьн, әw hәqе wе hәйә, ле мьн нәбьhистийә, wәки Әрмәнистан wе пьрсе бьльндкә. Әрмәнистае бь wе т҆емайе qәста Т҆ШБТ҆ нәкьрийә. Дьвәк ве дәме әw дьфькьрьн, wәки әw, чь wе нәh҆ийеда буйә, h҆име т҆ерекьрьне нинә ьса щьди сәва дәнгвәдане. Чь дьминә сәва борщдарийа, Ур҆ьсет Әрмәнистане т҆әмашәдькә чаwа т҆ьфаqдар, дәлива эрише бьвнә сәр wе, механизма Т҆ШБТ҆ wе бе ә҆млкьрьне. гӧh бьдьне, wәки бьнгәhа мәйә ә҆скәриейә 102-а т҆опраха Әрмәнистанедайә, әw hьма ьса нинә״,- Затулин гот.
