Сәва Әрмәнистане фәрзтийа әләqәте т҆әв Гӧрщьстанейә мәхсус hәйә, пәй р҆астhатьна т҆әв Георги Гахариайе сәрәкwәзире Гӧрщьстане wәхта qьса чапгәриейә т҆әвайи Никол П҆ашинйане сәрәкwәзире ЩӘ ә҆ламкьр. ״Т҆әв hәвалк҆аре хwә мә баwәрбькә т҆әмамийа говәка пьрсе р҆ожәвейә дӧали ә҆нә҆нәкьрьн. Р҆ожәва дӧали әwqаси бәрфьрә у р҆азибуийә, wәки чәтьн бь р҆астhатьнәке ә҆нә҆нәкьрьна т҆әмамийа пьрса әwләкьн״,- Никол П҆ашинйан гот.
Сәрәкwәзир да к҆ьвше, wәки пеканина h҆але ә҆длайи у беqәзиабуна нәh҆ийе ьж пьрсгьреке сиасийа Әрмәнистанейә дәрәкәйә hәрәфәрзә, демәк, дайим пешдачуйина әләqәте әрмәни-гӧрща гәрә бей hәр т҆әсирәкә дәрәще дәрәкәвә.
Георги Гахариайе сәрәкwәзире Гӧрщьстанейи т҆әзәк҆ьвшкьри да к҆ьвше, wәки т҆әв Никол Пашинйан бь т҆ема hәвк҆арийа пьрса транспорте, энергобьра хәвәрданә. ״Әм ьса жи пашда вәгр҆йанә сәр пьрсче нәh҆ийе у теньвисийә, wәки ә҆длайи нәh҆ийеда йа hәрәфәрзә״,- сәрәкwәзире Гӧрщьстане гот.
