Әндаме к҆ома Щьвата Щьмhӧрйәта Әрмәнистанейә Мьләтиейә Әрмәнистан-Ираqә херхwәзийе- бь пешдәстийа Р҆устам Бак҆ойане әндаме к҆оме, р҆асти шанда бь сәрк҆арийа Саиб Хьдьре депутате шеwьрхана Ираqейи ә҆сле хwәда эзди hатьнә. Һовhаннес Һовhаннисйане сәрк҆аре к҆ома херхwәшийе, бь сьлавкьрьна сәрдана шанде ль Щьвата Мьләтийе, дайә к҆ьвше, wәки щьмә҆те әрмәнийа у эздийа т҆ьме херхwәз бунә, у әэ әләqәте бьратийе ве гаве жи дьдумьн. Wе h҆әмтек҆стеда Һовhаннес hовhаннисйан чәндәки пешда h҆әлалкьрьна ибадәтгәhа ״Т҆аус малак҆ у h҆әвт мәләкайә״ эздийа фәрзкьрийә. Сәрк҆аре к҆ома достийе дайә к҆ьвше, wәки сәрдана ль Ираqе те тер҆адитьне, к҆ижане жи к҆омәке бьдә пешдачуйина hәвк҆арийа hәрдӧ wәлата. Депутате шеwьрхана Ираqе, бь ә҆ламкьрьна р҆азибуне сәва р҆астhатьне, пьрсгьреке эздийе Шәнгале т҆әмсилкьрийә, бь т҆айбәти wаре саг҆ләмихwәйкьрьне, хwәндьнеда.
Р҆устам Бак҆ойане депутате Щьвата ЩӘ Мьләтийе, wәк҆иле эла эздийа дайә к҆ьвше, wәки hьла hе wәхта сәрдана wийә ль Ираqе, пьрсгьреке эздийе Шәнгалейә п҆ьр҆hәжмар наскьрьнә у hазьри ә҆ламкьрийә бь иhт҆имали али wан- сафикьрьна wан пьрса, бькә. Пашдавәгәр҆андьна сәр сиасийе буйә, к҆ижан Әрмәнистанеда ньсбәти мьләте кемжьмар те пешдабьрьне, hатийә к҆ьвшкьрьне, wәки сәва хwәйкьрьн у пешдабьрьна баhе эздиайә р҆ӧh҆ани, мәдәнйәти у мьләтийе мәщал тенә ә҆франдьне. Wәк҆иле мьләте кемжьмар, к҆ижан Әрмәнистанеда дьминьн, чапьк т҆әв чуйин-hатьна wәлетә щьваки, сиасийе, мәдәнйәти дьвьн. Һьндава hәрдӧ алийада hәвдӧqәсьдандьне сәр дәрәще башqә-башqәйә hәйщар hатнә фәрзкьрьне.
