Р҆әwанеда- говәка сәдртийа Йәктийа Авроасиаейә малhәбунийеда, р҆уньштьна шеwра Авроасиаейә малhәбуниейә Һәрәбьльндә бь сьре qәwьмийә, т҆әв к҆ижане бунә Никол П҆ашинйане сәрәкwәзире ЩӘ, Владимир Путине сәдре Т҆ьфаqдарийа Урхьсете, Алек҆сандр Лукашенкойе сәдре Щьмhӧрйәта Белар҆усе, Касем Жомарт-Токаеве сәдре Щьмhӧрйәта Qазахьстане, Сооронбай-Жеенбекове сәдре Щьмhӧрйәта Qьрqьзьстане у Тигран Саргсйане сәдре колегийа әнщомана Авроасиаейә малhәбунийе. Чаwа ьж фәрмандарийа сәрәкwәзире ЩӘ ә҆ламдькьн- ьса жи Игор Додоне сәдре Щьмhӧрйәта Молдовайе- чаwа сәрк҆аре wәлате р҆әwша ньhер҆ванда, Һ҆әсән Р҆оhанийе сәдре Щьмhӧрйәта Иранейә Исламийе у Ли Сйен Луйе сәрәкwәзире Щьмhӧрйәта Сингапуре- бь р҆әwша сәрк҆аре wәлате вәхwәнди, т҆әв р҆уньштьне бунә. Пәй р҆҆уньштьнер҆а навбәра Йәктийа Авроасиаейә малhәбунийе у Сингапуреда 2 hәвр҆аqайилнә҆мә hатнә qолкьрьне- hәвр҆аqайилнә҆ма ״Дәрhәqа hәвк҆арийа
h҆әмт҆омәрийә малhәбуниедайә״ говәәки у hәвр҆аqайилнә҆ма ״дәрhәqа т҆ӧщарийа азада״. Qьса чапгәриейә пәй р҆уньштне qәwьмир҆а Никол П҆ашинйан р҆уньштьна шеwра Авроасиаейә малhәбуниейә бь сьре wәсьфкьрийә кера нәбинайи- бь к҆ьвшкьрьна, wәки говәка р҆уньштьна Т҆ьфаqеда щара пешьн форума орт҆әмьләтийе hатә дәрбазкьрьне, к҆ижан п҆ешк҆еши qәwата п҆ара Авроасиайә дьниаейә наввадәрбазбунебу. Һ҆әсән Р҆оhанийе сәдре Щьмhӧрйәта Иранейә Исламийе, Ли Сйен Луне сәрәкwәзире Сингапуре, Игор Додоне сәдре Молдовайе меване мәхсус т҆әв р҆уньштьне дьбун. ״Р҆астhатьн бь qолкьрьна щергә т҆әмәсука к҆ьвшбу, к҆ижан hоризоне hәвк҆арийа т҆ӧщарималhәбунийеә т҆әзә т҆әв малhәбунәкә нәh҆ийа океана Ә҆дьлийә бь технологи hәрәпешдачуйи у пешдабьр, чаwа Сингапурә, вәдкә. Әw ьса жи бу р҆енишәке нав шӧхӧле мәh҆кәмкьрьна Йәктийе у бәрфьрәкьрьна п҆әвгьредане wейә малhәбуниейә дьнианигарийе. Пештьри wе, навбәра Әрмәнистане у Сингапуреда hәвр҆аqайилнә҆ма дәрhәqа т҆ӧщарийе, хьзмәтк҆арийа у р҆ьк҆ьнкьрьнада wе бе qолкьрьне.
