Никол П҆ашинйан у Владмир Путин говәка пьрсайә фьрә, к҆ижан әләqәте әрмәни-ур҆ьсава тенә гьрендане, ә҆нә҆нәкьрьнә

Пәй р҆уньштьна шеwра Авроасиаейә hәрәбьльндр҆а Никол П҆ашинйане сәрәкwәзир р҆асти Владимир Путине сәдре Т҆ьфаqдарийа Ур҆ьсете hатийә. Чаwа ьж фәрмандарийа сәрәкwәзире ЩӘ ә҆ламдькьн- Никол П҆ашинйан дайә к҆ьвше: ״Сәва мә әләqәте мәйә дӧали зә҆ф фәрзьн. Ур҆ьсет сәва мә hәвалк҆ара дә҆wмәшандьнейә, у гӧмана мәйә дьhа у дьhа мәh҆кәмкьрьна hәвалк҆арийа дә҆wмәшандьне hәйә״. Владимир Путин хәйсәте әләqәте hәрдӧ wәлатайә дә҆wмәшандьне әрекьрийә- бь к҆ьвшкьрьна, wәки әw бь qәwмандьне нә кӧ т҆әне сал у дәhәсалиййе хьлазийева гьредайийә, ле ьса жи- т҆ариха әләqәте hәрдӧ щьмә҆тайә дәwьр у зәманава. Сәрәкwәзире Әрмәнистане у сәдре Ур҆ьсете говәка пьрсайә фьрә, к҆ижан балк҆ешийа дӧали т҆әмсилдькьн, ә҆нә҆нәкьрьнә. Бь т҆айбәти, qьсәчи пашда вәгәр҆йанә сәр hәвк҆арийа әрмәни-ур҆ьсайә малhәбунийе, мәh҆кәмкьрьна hәвалк҆арийа ә҆скәрийе-сиасиейә пашwәхтийе, пьрсе бь мә҆на нәh҆ийе.