Һәвр҆аqайилнә҆ма hәвк҆ариейә навбәра Архива Әрмәнистанейә мьләтийе у ӧсулабиранине-фонда Шоаhеда qолбуйи wе к҆омәке бьдә п҆әвгӧhастьна сальха у т҆әмәсуке архивиейә т҆әмсилкьрьна балк҆ешийа дӧали wаре лек҆олинкьрьне дәрhәqа
qьр҆а щьмә҆те әрмәнийа у щьhуйада у сәр h҆име wан т҆әшкилкьрьна т҆әшhиркьрьне т҆әвайи. Бь ә҆ламкьрьна ״Арменпрес״-е- hәвр҆аqайилнә҆ма hәвк҆арие 24-е мәhа илоне сьфарәжта Франсиаеда Аматуни Вирабйане сәрwере Архива мьләтийе у Жак Фреще сәрwере ӧсула Шоаhейә биранине qолкьрьнә. Ьса жи Щонат҆ан Лак҆от҆е сәфирәйе Франсиаейи сьредәр у wәк҆или ЩӘ-да hазьрбуйә. Вирабйан дайә к҆ьвше, wәки т҆әв Жак Фрещ ьди әw бәрнә҆мә ә҆нә҆нәкьрьнә, к҆ижана пешәр҆ожеда wе миасәркьн. ״Архива мәда т҆әмәсуке п҆ьр҆hәжмар тенә хwәйкьрьне, ле хазма мадәйе дәрhәqа Qьр҆а әрмәнийада зә҆фьн. Т҆әмәсуке мә hәнә- qьр҆е мәхина, эздийава гьредайи, к҆ижан диса хәвате мәйә т҆әвайида wе бенә wәргьртьне״,- сәрwере архиве дайә к҆ьвше. ״Һәвр҆аqайилнә҆мә, к҆ижан ьж пенщ мьqалайә, бь маwәйе пенщ сал hатийә qолкьрьне, ле бь qайилийа алийа дькарә пенщ сала жи бе дьрежкьрьне.
