Сәбаhе, кәч҆ка 10-сали наскьн, йа кӧ т҆әрка хwәндьна хwә нәдайә. Пәй qал у щәжнге дәhәсаләр҆а мәк҆т҆әве Ираqе щьди hатнә кавьлкьрьне у wеранкьрьне. Хwәндк҆ар у дәрсбеж мәщбурбун чәнд щара т҆әрка мал-h҆але хwә бьдьн. У зар҆е Ирqаqе бьн h҆ӧкӧме ДӘ҆ИШ-еда жинә, сал бехwәндьн дәрбазкьрьн.
Сәбаh пенщсалибу, чахе ДӘ҆ИШ-е авитә сәр гӧнде wани нә дури Шәнгале ль Ниневийа qәза Ираqейә ль шьмала дур. Сәбаh эздийә. Мәhа сала 2014-айә т҆әбахе ДӘ҆ИШ-е Шәнгаледа мьqабьли кемжьмарәкә Ирqаqейә hәрәqәдим, нав wе hәжмаре эздийа, дәстбь ә҆мәле зордәстийе кьр. ДӘ҆ИШ-е мал дьщьвандьн, мер дькӧштьн у жьн у qиз hесир дьбрьн. Мала Сәбаhе р҆әви у сьт҆ар ьж шәhәр дәр ль чадьргәhа сәва щигӧhастийа дит. Әw wьра чар сала ман.
Гәлә зар҆, wәки бьн зерандьна ДӘ҆ИШ-ейә беисафда ман, се сале хwәндьне мәк҆т҆әведа бәрдан. Сәбаh ньhа дьчә мәк҆т҆әва диwанийә бь алик҆арийа Комитейа хьлазкьрьнейә орт҆әмьләтийе, ль к҆ӧ әм бәрнә҆ме хwәндьне у мат҆ематикайе т҆әмсилдькьн, wәки хwәндк҆ар йа бәрдайи пашда биньн, ле ьса жи qьнйате hинбуне, wәки али дәрсдаре щи бькьн, wәсьфа хwәндьне дәрсхане Ираqеда башкьн.
Сәбаh h҆ьздькә бьньвисә у шькьлкә, у к҆ьтеве хwәйә h҆ьзкьри т҆әв сәрhатийа, qәләме qимтли у h҆әмушки щиwардькә, чь лазьмә сәва мәк҆т҆әве чәлте хwәда, бь к҆аркьрьна hәр҆ә идара хwәндьне. Дәрса wейә h҆ьзкьри зьмане ингьлисийә, у әw дәрсдаре хwә h҆ьздькә.
Сәва гәлә кәч҆ька т҆әмамийа дьниаеда чуйина мәк҆т҆әве бь qәзиайә, wәки мал мәщбурьн сәва hинбуна qизе хwә щийе беqәзийа бьжберьн. Ле сәва де-баве Сәбаhе хwәндьн h҆әсавдьвә мәщал. ״Мә дьхwәст, wәки ахьрийа wейә баш hәвә״,- Наздара дьйа Сәбаhе дьвежә. Сәбаh ә҆дәти т҆әв к҆ома hәвала йан хушк у бьра дьчә мәк҆т҆әве- мәк҆т҆әв нә дури малейә.
П҆҆ьр҆анийа Шәнгале hьла hе к҆әләфә у кавьлә. Бомб у ләqәм-т҆әлә, wәки hьндава тьрск҆арада hатнә данине, минани бәре т҆әмамийа шәhәрда вьрда-wеда авитинә. Бь милиона мәрьв бей щи у сьт҆арьн у бегӧман h҆әwще беqәзиабуне, мале, хӧрәк, ле ьса жи хwәндьненә. АйАрСи чәнд мәк҆т҆әва ль Ниневийа шьмале дьдә дасәкьнандьне, wәки к҆омәке бьдә зар҆а, е минани Сәбаhе, щийе беqәзиайә сәва зар҆айи хwәндьне у ә҆мьр әwләкә.
Гәлә зар҆ Шәнгаледа ьж зордәстийе у щигӧhастьне зьйане к҆әтьнә. Мәкт҆әвада, wәки АйАрСи пьшта wан дьгрә, е минани Сәбаhе, әм жи сәр хwәндьна сосиал-эмомионал зурдьвьн, wәки али зар҆а бькьн әw сәрәдәрийе h҆әсине хwә бькьн у сәрwертийе wан бькьн, hәвале т҆әзә дәст биньн, h҆ӧщәте ә҆дьли сафикьн у щер҆ьбандьна дьн п҆әйдакьн, к҆ижан wан лазьмьн, wәки мәh҆кәмвьн у бәр чәтьнайа т҆авкьн.
Гәлә мьразе Сәбаhе hәнә. ״Мьне бьхwәстиа әз бьбуйама дохтьр,- әw дьвежә. ״Һ҆әркә йәк бе бал мьн, әз али wи бькьм״.
Дьйа Сәбаhе дьвәжә, wәки зар҆е wе мәк҆т҆әве h҆ьздькьн у h҆ьздькьн hинвьн. ״Әм дьчнә мәк҆т҆әве, wәки ьж wе к҆аре к҆әвьн, wәки әм тьштәки hинвьн״,.
