Politics

Барнденьурге к҆ома эздийе п҆әнабәрә ә҆wьл qәбулкьр

Малп҆әр҆а ״езиди нйузе״ ә҆ламдькә: ״Т҆әшкиләта пьрсе п҆әнабәрайә орт҆әмьләтийе дәрhәqа hатьна к҆ома п҆әнабәре эздиайә ә҆wьлә ль Бер҆лине ә҆ламкьр. Мала ьж h҆әйшт эздийа бь вәр҆екьрьна хәватчийе Т҆әшкиләта пьрсе п҆әнабәрайә орт҆әмьләтийе ьж Эрбиле фьр҆ийә  у гьhиштийә ль Бер҆лине, ль к҆ӧ wәк҆иле хьзмәткарийа п҆ешәкарбуйи пешийа wанда чунә. Дәрhәqа ве йәкеда ә҆ламәтийеда те готьне, к҆ижан малп҆әр҆е т҆әшкиләтеда бәлабуйә. ״Әм р҆азинә, wәки Бранденбурге щә҆дандьна хwә сәва гьртььна пьшта эздийе зәдәдлек҆әтьне чапьккьрийә, чьмки әw ьж щер҆ьбандьне саwк҆ешийе тенә hьнартьне у дькарьн вәгәр҆нә  ль ә҆мре нормал״,- Моника Горачийа сәрк҆ара р҆әсултийа Т҆әшкиләта пьрсе п҆әнабәрайә орт҆әмьләтийейә Алманиаеда ә҆ламкьрийә. Сала 2016-а шеwьрхана Бранденбурге qьрар qәбулкьр дәрhәqа qәбулкьрьна жьн у зар҆е эздийада, е кӧ бунә к҆әтийе тьрск҆аре ״ДИ״, ле певажойа щигӧhастьне чәнд сала к҆ьшанд. Говәка бәрнә҆ма щигӧhастьнеда, т҆әмамийа п҆әнабәра, е кӧ wе бенә qәбулкьрьне, к҆омәка дохтьрийе wе бьстиньн у бәрнә҆ма бь р҆еабилитасиаейә мәхсус wе дәрбазвьн. Пешда бәрнә҆ме hәман hатнә миасәрькьрьне п҆арwәлате Алманиаейи Баден-Вйуртембереда, ль к҆ӧ бь бәрнә҆мәкә hәман сала 2015-а Надийа Мурада hәqп҆ареза Ираqейә эзди, хәлатбьра Нобелә ә҆длайе qәсьди. Ль Алманиайе  мащьрата эздиайә hәрәгьран дьжи, бь qимәте т҆әхмин hәжмара wан 200.000-и зедәтьрә у п҆ьр҆анийа wан е ьж Ираqе у Т҆ьркиае дәрк҆әтинә.

Дьhа зедә бьдьнә к҆ьвше
Ьса жи сахтикьн
Close
Back to top button