Чаwа мадлп҆әр҆а ״Езлис инфойе״ ә҆ламдькә, Фонда ״Пешдәстийе Надийа Мурадейә״ херкьрьне бь к҆омәка h҆ӧкӧмәта Белгиаейә п҆әрәти Сьнунеда (Шәнгал) мәк҆т҆әве wе авакә. Дәрhәqа ве йәкеда т҆әшкиләта ״Эзиди организейшьн документ҆ейшьне״-ейә hәqпарезийе ә҆ламдькә. Дӧh данина кәвьре h҆име мәк҆т҆әвейи әwьл qәwьми, к҆ижане Ирqаеда бьвә йәкә hәрә h҆әмзәмани. Идара хwәндьнейә т҆әзә бь т҆әмамийа бьнхәләq у техника лазьм wе бе әwләкьрьне. Те тер҆адитьне, wәки мәк҆т҆әве дәре хwә бәр шагьрта сала хwәндьнейә hатьнеда вәкә. Т҆әшкиләта ״Эзиди организейшьн фор докумейт҆ьшьне״ буйә щавдара авакьрьне, к҆ижан чапьк т҆әв фонда
״Пешдәстйе Надийа мураде״ нав hәвк҆арийедайә. Фонда пешдәстийе Надийа Мураде мәhа сала 2016-айә илоне hатийә дархстьне, бь мәрәме дасәкьнандьна нәh҆ийа эздиайә Шәнгале у пашдаhатьна бьнәлийе wе. Фондеда мәрьв дьхәвтьн, е кӧ баш hаш пьрсгьреке нәh҆иейә сиасийе, малhәбунийе, сосиалийе hәнә. Сала 2018-а Надийа Мураде т҆әмамийа хәлата п҆әрәти кьрә фонде, к҆ижан әwе ьж хәлата Нобелә ә҆длайе стәндьбун. Р҆ебәре Йәктийа Авропайе у нәh҆ийе дьне hазьри ә҆ламкьрьн т҆ьвдире фонде п҆әрәкьн.
