Ковара урьсийә ״Независимойе военнойе обозргнийе״ мьqалә бәлакьрийә- дәрhәqа әнщаме шәр҆е пенщр҆ожә мәhа сала 2008-айә т҆әабхе Осиа Щә҆нубеда буийә дьниасиасиеда. Ә҆франдаре мьqале- Анатоли Сиганоке пешәндаме ӧ҆лме ә҆скәрийе, әндаме академиа ӧ҆лме Ә҆скәрийе у мьqаләдар, дьдә к҆ьвше, wәки hьндава Урьсетеда наскьрьна сәрбәстийа Осиа Щә҆нубе у Абхазиайе т҆әсир сәр мьqабьлиhәвбуна Qәрәбаг҆е hьштийә. ״Ьж сала 1991-е вьрдатьр щара пешьн т҆опраха wәлате пәйсоветийеда дӧ дәwләте т҆әзә hатнә наскьрьне. Сала 2008-а- 17 сала шӧнда, певажойа наскьрьна т҆әшкилбуне Т҆ьфаqа Советиейә бәрейә диwанийә wа готи ״дәрәща дӧда״ дәстпедьвә. Сәва Qәрәбаг҆е мәсәлә тенә ә҆франдьне, мәщале стәндьна наскьрьна орт҆әмьләтейә т҆әзә пешда тен- бей h҆әсавhьлдана h҆әмд-ирада Адрбещане, к҆ижан hазьр нинә hәqе qәрәбаг҆иайә h҆имли наскә״,- тек҆ста мьqаледа hатийә готьне. Ә҆франдаре мьqале дьдә к҆ьвше, wәки пәй qәwмандьне Осиа Щә҆нубер҆а сәва QЧ҆ сафи буйә, wәки говәка мьqабьлиhәвбунеда ә҆длайи к҆иси бәрәмбәртийа qәwате алийа те хwәйкьрьне.
