Р҆ожа шәмийе гӧнде эздиайи К҆очода (Шәнгал) сәр-бәрат҆е щонгорийе qьр҆е h҆әдкьрьн. Е кӧшти мәзәле башqә-башqәда hатнә h҆әдкьрьне. Wәхта айина h҆әдкьрьне wәк҆иле р҆ӧh҆анийа Шәнгале у qәwме щангорийа hазьрбун. Һ҆әдкьрьн пәй wе йәкер҆а иhт҆ималбу, чахе кома Т҆МЙ-йә сьльстикьрьне дәранина щьнйазайә ьж мәзәле бьратийе дәрбазкьр. Те тер҆адитьне, wәки т҆әмамийа кӧштийе гӧнде К҆очо мәзәләкида wе бенә h҆әдкьрьне, ль к҆ӧ hәйкәле сәва щангорийе qьр҆ейи биранине wе бе р҆акьрьне. 16-е мәhа адаре Шәнгаледа дәстбь певжойа дәранина сәр-бәрат҆айә ьж h҆әдкьрьне сәрансәр у ә҆йникьрьн бу. Дәранина сәр-бәрат҆а hьндава к҆омәкә Т҆МЙ-йә сьльстчийада т҆әв хәбирийа Ирqаейә дохтьтрийе-hьqуqийе те дәрбазкьрьне. Те тер҆адитьне, wәки певажойа дәранина сәр-бәрат҆айә т҆әмамийа h҆әдкьрьне сәрансәр h҆әтани сәре сала 2019-а wе хьлазвә. Мадәйе бәрәвкьри wе т҆әсмили мәqамәте мәh҆кәмайә орт҆әмьләтийевьн. 3-е мәhа сала 2014-айә т҆әбахе hьндава тьрск҆аре ״ДИ״-еда гӧнде К҆очойи эздйада qьр҆ hатә кьрьне. Пәй зәвткьрьна гӧндр҆а тьрск҆ара дә҆wа хьлазийе эздийа кьр: йан әw исламе qәбулдькьн, йан гьште бенә исламкьрьне. Маwәйе 10 р҆оже данә бьнәлийа сәва qәбулкьрьна исламе. Пәй хьлазбуна моләтер҆а бьнәли мәк҆т҆әва щида щьвандьн, ль к҆ӧ эздийа ә҆ламкьр, wәки нахwәзьн исламе qәбулкьн. Ч҆әкдара т҆әмамийа мере бьнәли дәрхьстнә орт҆а гӧнд у әw гӧләкьрьн. Әнщамеда hьндава трск҆араджа 600 мера зедәтьр hатнә кӧштьне, ле 690 жьн у зар҆а зедәтьр бьрнә hесиртийе. Wәхта т҆әмамийа дә҆wа хьлазийе чаwа ордийа Ираqе, ьса жи Пешмәрга к҆ӧрда нәщер҆ьбандьн гӧнде К҆очо хьлазкьн. Бьнәликә гӧнде К҆очойә эздиайи бь зӧлми ә҆йан Надийа Мурада хәлатбьра нобелиейә ә҆длаейә. Щиhадиста де, шәш бьре wейә тә҆ме де-баве у се кӧр҆апе wе кӧштьн. Надйа, т҆әв кәч҆е дьә ьж 9 h҆әтани 28 сали ажотнә Мусьле, ль к҆ӧ әw qьрарәке т҆әсмили зордәстийа у qәрфпекьрьне дькьрьн. 3 мәhа шӧнда Надйайер҆а ләв hат бьр҆әвә, хьлазвә.
