Ьж qьр҆а эздийе Шәнгале 5 сал дәрбазбунә, ле, h҆әйф, эзди hьла hе h҆але беh҆әд гьранданьн, у сәва хwәшкьрьна ә҆мьр wәргӧhастьне лазьм ьса жи h҆әтани иро навьн. Нав qьса т҆әв Т҆ерт҆.ам-е ә҆ламәтийа hәман Р҆остәм Бәк҆ойане депутате к҆ома ЩМ-ейә ״Гава мьн״-и ә҆сле хwәда эзди кьр. Әwи т҆әхминкьр, wәки щергә пьрсгьреке гьран hәнә, к҆ижан дә҆wа сафикьрьна ләз дькьн, мәсәлә- чадьргәhада нәхwәши зә҆фьн, qәт т҆ӧ wәсфәкә хwәндьне т҆ьнә, пьрсгьрека h҆әрфнаскьрьне hәйә. Әв у щергә пьрсгьреке бәр щьмә҆та эздийа сәкьни wе сафивьн, h҆әркә йәктийа эздийа hәвә, Р҆осәтәм Бәк҆ойан дьфькьрә у бинтәнгбуйи тедьньвисә, wәки h҆әтани ве дәме йәктийа ьса т҆ьнә. ״Йәктийа эздийа h҆әтани ве дәме т҆ьнә, чьмки qәwате сиасиейә башqә-башqә т҆ьме щер҆ьбандьнә у дьщер҆биньн эздийа п҆ирәп҆ирәйикьн, у әw йәк wанр҆а ләв те. Ве пьрседа эзди йәкбуйи ниньн, wәки бькарвьн говәка орт҆әмьләтийеда у пьрсгьреке хwә т҆әмсили т҆әшкиләте орт҆әмьләтийекьн у ви т҆әрәфида хәвате бькьн״,- депутате ә҆сле хwәда эзди гот. Пер҆а жи депутате эзди сальхкьр, wәки кәсе башqә-башqә- Надийа Мурад, сәрк҆аре т҆әшкиләта ״Йазда״-йә орт҆әмьләтийе, Мирзә Дьнайи ви т҆әрәфида гаве бәрч҆әв дькьн. Әwи т҆әхминкьр, wәки нәньhер҆и гәлә мала карьбуйә кочкә, ле wәкә 3000-а зедәтьр, ангори hьнә сальха- wәкә 50 h҆әзар мал hьла hе чадьргәhедайә. ״Wәкә 100 h҆әзар эздийа к҆оч кьрийә Алманиайе, wәлате авропийә дьн, Канадайе, Австралиайе, ле мале п҆ьр҆hәжмар hьла hе чадьргәhаданьн. Эзди h҆але хьравданьен, у гәрә дьнийа дәсте хwә дьрежи wанкә у али бькә, wәки ьж wи h҆али дәрен״,- Р҆остәм Бәк҆ойан хьтьмкьр.
