Пьрса qәстбәндә hәдәфкьрьна бьнәлийе нәh҆ийе Арсахе у Әрмәнистанейә р҆әхсинор- Шеwра Т҆МЙ-ә Беqәзиабунеда

Wәхта р҆астhатьна бь т҆ема ״Зар҆ у мьqабьлиhәвбуне силәh҆буийә״ шеwра Т҆МЙ-ә Беqәзиабунеда qәwьми Мhер Маргарйан гӧhдарийа шеwра Беqәзиабуне вәхwәндийә сәр hьндава Адрбещанеда  qәстбәндә hәдәфкьрьна бьнәлийе нәh҆ийе QЧ҆ у Әрмәнистанейә р҆әхсинор у бьнхәләqа, к҆ижане гиhандийә кӧшти у бьриндара нав бьнәлийе ә҆дьли у зар҆а. Чаwа ьж wәзарәта ЩӘ-ейә К҆Д сальхдькьн- әwи бьнхәткьрийә, wәки ә҆франдьна механизма изгәр҆ийа т҆әр҆ьбандьне агьрр҆аwәстьне wе мәщал бьда бьнәлийе бажар҆ванийе, нав wе hәжмаре- кемкьрьна qәзиайе сәва зар҆а, у т҆ӧ ә҆фукьрьнәкә т҆әркдайина  wе т҆ьнә. Wәк҆иле ЩӘ-ейи мьqими ьса жи дәрдаhатьна т҆әшкиләте hуманиьтарә аза у беастәнгә ль нәh҆ийе мьqабьлиhәвбуна фәрзкьрийә, мә҆на к҆ижанейә ә҆мьрдар сәва әwләкьрьна п҆арастьна зар҆а hәйә. Шанде wәкә 80 әндам wәлата т҆әв р҆астhатьне бунә.